පිච්චෙන එන්ජිම

උදේට
සැන් සුවඳ
පුයර සුවඳ
හවසට දහදිය සුවඳ
එ පමණක් නොව
මිනිස් සුවඳ ද හමන
ජීවිතය විඳින විඳවන පන්තියක
මිනිස්සු
උනුන් පරයා දිව යන අපූරුව...
කඳුලු කැට ඉනිමන් තනන
අම්මලා අප්පච්චිලා
පොඩ්ඩ වැරදුනත් ගස්සන
මහත්තුරු නෝනලා
දහස් ගණන් නඟින බහින
උදාරතම පන්තියක..
කුළුඳුලේම ඇරඹෙන
ආදර කතන්දර
එක රෑනෙ එවුන්ගේ මිතුරු සමාගම්
වඩේ සුවඳ කඩල සුවඳ
දුක් අඳෝනා රාව දෙන
පන්තියේ ඇත්ත ම කතාව
අහන්නට තිබුනා...
කතා කරන්නට හැකි නම්
මේ යකඩ හිත් වලට...