පිච්චෙන එන්ජිම

උදේට
සැන් සුවඳ
පුයර සුවඳ
හවසට දහදිය සුවඳ
එ පමණක් නොව
මිනිස් සුවඳ ද හමන
ජීවිතය විඳින විඳවන පන්තියක
මිනිස්සු
උනුන් පරයා දිව යන අපූරුව...
කඳුලු කැට ඉනිමන් තනන
අම්මලා අප්පච්චිලා
පොඩ්ඩ වැරදුනත් ගස්සන
මහත්තුරු නෝනලා
දහස් ගණන් නඟින බහින
උදාරතම පන්තියක..
කුළුඳුලේම ඇරඹෙන
ආදර කතන්දර
එක රෑනෙ එවුන්ගේ මිතුරු සමාගම්
වඩේ සුවඳ කඩල සුවඳ
දුක් අඳෝනා රාව දෙන
පන්තියේ ඇත්ත ම කතාව
අහන්නට තිබුනා...
කතා කරන්නට හැකි නම්
මේ යකඩ හිත් වලට...

ඔහේ කොච්චර බලන් හිටියත්
ගාල්ලට තව දුරයි මැණිකේ..
අතේ තව සල්ලියක් ඇත්නන්
යන්න තිබ්බා සැපට හනිකේ..
පින් පඩිය පන්සීය හැදුවම
යමුද දවසක මුහුද පාරේ...
නුඹේ හීනෙට පාට පෙවු දා
රේල්ලුව නැවතිලා නැකතේ..
දෑස් පටලන් උඩ බලා ගෙන
ගාල්ලට ඇති දුරද බැලුවේ...
හීන් කෙඳිරිය හ්ම්ම් මගෙ හිත
කඳුලු සට සට ගගා වැටුනේ.....


PC: නූතන..

හෙලෝ මිස්..
දිස් ඊස් ෆො යූ..
සේෆ් ජර්නී මමයි රත්නෙ
කෝච්චිය දෙනුවරක ඇදුනත්
අපි උපන්නෙ එකම ලෝකේ..
අහස් ගවුවේ දුරක් මැන්නත්
මූදු මට්ටම උසයි කන්දේ..
රාස් අැල්ලෙන් එහා පැත්තේ
තුමුල කඳු සිරියාවි ඉන්නේ..
සේද සලු පිළි වලාකුළකින්
ඉරට අවසර දුන්න පින්නේ..
හීන් වැහි කැට පෙඟෙන තැනකින්
සුභයි ගමනට පැයයි යන්නේ..

3rd ක්ලාස්

රේල් තීරුවේ ගාටන
කොළඹ රජ මැණිකෙ
මේ ටික අසාපන්
හීන් සීරුවට පොඩි වුුණු
අලුත් ඔපිස් හැඩ අැදුමට
මුහුදු ලුණු වතුර නොඉහා පලායන්
හාන්කවිසියක් නොදැනුණ
ජේත්තුවට අැද ඒල්ලුන
පාන්තික ටිකට්ටුව තව
වේදිකා දෙකක් යන කල් තිබීයන්
පීල්ලක ටිකක් හිරවුණු
කාසියක් තිබුව පොඩිකෙක්
සතුටු වෙද්දි මගෙ හිත තව හැදීයන්
ඒ්ත් අපේ පන්තියෙ උන්
උනුත් හිනා වෙන හැටි මට දැනීයන්